the Official Website of Compostela Valley

Comval Provincial Hospitals mikita ug 360 Milyones sa usa ka tuig

Davao De Oro Province—Usa ka tuig pa lang human milingkod si Gov. Jayvee Tyron Uy nga gobernador sa Comval Province apan miabot na sa dul-an P360 Milyones ang kinatibuk-ang kita sa upat ka mga Hospitals nga mao ang Davao De Oro Provincial Hospitals (CVPH)- Montevista, CVPH Laak, CVPH Pantukan, ug CVPH Maragusan.

Gisulti kini mismo ni Gov. Jayvee Tyron Uy  atol sa iyang “1st State of the Province Address (SOPA)” nga mao ang paghatag sa iyang official report sa iyang mga nabuhat kon accomplishments sa public services delivery sulod sa usa ka tuig niyang paglingkod nga Gobernador sa probinsya.

Iyang gisulti sad nga samtang ang upat ka mga Hospital sa Probinsiya mihakot sa dul-an P360 Milyones nga Hospital Income, padayon ug mas gipakusog pa niini ang paghatag sa libreng Hospital Services diin miabot gyod sa 31,892 na ka mga pasyente sa upat ka mga hospital sa probinsiya ang natambalan nga libre kon way nabayrang Hospital Bills sa rason nga sila kabus ug lisud ang kahimtang sa ilang pamuyo.

Sa pagkakaron naa na sa 5,005 ka mga pasyente ang natambalan nga libre ubos sa Charity Services ug ang laing 26,887 kanila naserbisyohan gihapon sa way bayad nga pagpanambal ubos sa No Balance Billing Policy (NBB) nga hugtanong gisuportahan sa liderato sa probinsiya nga iyang gipangunahan kauban ang  mga SP Members. (Gilbert M. Cabahug, IDS-Comval)

Please like and share:
Social media & sharing icons powered by UltimatelySocial