the Official Website of Compostela Valley

31,847 ka mga pasyente nalibre sa Comval Provincial Hospitals

Davao De Oro Province—Usa ka tuig pa lang human siya milingkod nga gobernador sa Comval Province apan miabot na sa 31,847 ka mga pasyente ang natambalan nga libre sa upat ka mga hospital sa probinsiya nga mao ang Compostela  Valley Provincial Hospital (CVPH) Montevista, CVPH Laak, CVPH Pantukan, ug CVPH Maragusan sa rason nga sila kabus ug lisud ang kahimtang sa ilang pamuyo.

Gisulti kini mismo ni Gov. Jayvee Tyron Uy  atol sa iyang “1st State of the Province Address (SOPA)” nga mao ang paghatag sa iyang official report sa iyang mga nabuhat ug mga accomplishments sa public services delivery sulod sa usa ka tuig niyang paglingkod nga Gobernador sa Davao De Oro

Matud pa niya nga ang 4,960 ka mga pasyente na libre ubos sa Charity Services ug ang laing 26,887 kanila naserbisyohan gihapon sa way bayad nga pagpanambal ubos sa No Balance Billing Policy nga hugtanong gisuportahan sa liderato sa probinsiya nga iyang gipangunahan kauban ang  mga SP Members.

Iyang giklaro sad nga luyo sa libo-libo ka mga pasyenteng kabus nga naserbisyohan nga libre sa way bayad nga pagpanambal, ang upat ka mga Provincial Hospitals mitala sad sa dako kaayong Hospital Income nga naa sa kapin P360 Milyones sulod sa usa pa lang ka tuig niyang paglingkod nga gobernador sa Comval Province.

Si Gov. Tyron Uy mihatag sa iyang “1st SOPA”  sulod sa SP Session Hall sa kapitolyo niadtong Oktobre 18,2017  atol sa   63rd  Regular Session sa Comval SP nga gipanguluhan nila ni Vice Gov. Manuel “Way Kurat” Zamora ug Senior Board Member Arturo “Chiongkee” Uy, ug mitambong gyod niini ang halos tanang Municipal Mayors ug ang tanang SP Members nga padayong naga-complement sa iyang mga programa ug mga proyekto tumong sa paghatag ug kaayohan sa mga katawhang Comvaleño. (Gilbert M. Cabahug, IDS-Comval)

Please like and share:
Social media & sharing icons powered by UltimatelySocial