the Official Website of Compostela Valley

RVS og FRs tukoron ang laing 16 ka “USWAG GK Houses” sa Brgy. Pasian

Davao De Oro Province—Tabangan pagtukod sa kapin kon kulang 40 ka mga Reformed Voluntary Surrenderers (VRS) ug Former Rebels (FRs) nga nakabenepisyo sa After Care Program ug Comprehensive Local Integration Program (CLIP) nga gipakusog sa Comval ni Gov. Jayvee Tyron Uy ug SP Members sa pagpanguna nila ni Vice Gov. Manuel “Way Kurat” Zamora ug Senior Board Member Arturo “Chiongkee” Uy ang laing 16 (8 Duplex) ka mga Housing Units diha sa Brgy.Pasian, Monkayo.

Tumong  sa gipakusog nga After Care Program sa Comval ang padayong pag-atiman sa mga VRS nga na ulian na gikan sa pagkagumon sa ginadiling druga human ang kapin duha ka bulang “Community Based Rehabilitation Sessions” ubos sa “Oplan Liwanag”, ug sa mga FRs nga naninguha nang magpuyong malinawon kauban sa ilang tagsa-tagsa ka pamilya diin parte niini ang pagpalambo sa ilang katakos sa panginabuhi pinaagi sa 20 ka adlawng “Galing Mason Training” nga libreng gitunol kanila sa PLGU Comval ug sa Holcim Philippines nga maoy Constant partner sa probinsiya niining programaha.

Hands on sa ilang training ang laing 16 ka mga Housing Units nga ipabarog diha gihapon sa  “New Berjaya GK Village” nga nahimutang sa sulod sa compound sa Comval Farm sa Brgy. Pasian sa lungsod sa Monkayo nga una nang gitukoran og 14 ka mga “National Build GK Housing Units” atol sa malampusong “Bayani Challenge 2017” nga nahitabo sa ikaduhang semana sa Hunyo 2017.

Kining mga balay diha tokoron sa yuta nga gipanag-iyahan sa PLGU Comval. Samtang, dakong bahin sa gigamit nga materyales gikan sa Gawad Kalinga Foundation ug sa Holcim Phlippines nga mihatag sa probinsiya sa 400 ka sakong semento nga gamiton alang sa maong katuyoan.

Panahon sa ilang training ang mga partisipante hatagan sa probinsiya og libreng mga pagkaon ug P100.00 nga allowance kada adlaw sulod sa 20 ka adlawng mga pagbansay.

Dugang sa kapin kon kulang 400 ka sakong mga semento ang Holcim Philippines magpadala sa mga ekspertong magtutudlo, mohatag sa mga Personal Protective Equipment’s, ug sa nagkadaiyang Masonry Equipment and Tools nga gamiton sa mga partisipante panahon sa pagpailalom kanila sa libreng mga pagbansay nga dumalahon sa probinsiya sa Holcim Philippines ug sa TESDA.(g. cabahug, ids comval)

Please like and share:
Social media & sharing icons powered by UltimatelySocial