the Official Website of Compostela Valley

Hapit 2,000 ka pamilya nakadawat og Family Food Packs sa “ARENA XI Serbisyo Caravan”

Davao De Oro Province–Apil sa mga mahinungdanong serbisyo nga gitunol sa mga katawhan atol sa duha ka adlawng “Association of Regional Executives of National Agencies in Region XI (ARENA) Serbisyo  CARAVAN – Bayanihan Para sa Sambayanan” sa Monkayo ang pagpanghatag sa libreng Family Food Packs nga gitabangan pagtunol sa DSWD, PSWDO Comval, ug sa MSWDO Monkayo nga apil sa mga mahinugdanong component sa gipahugtang prepositioning niining mga opisinaha tumong sa di mapugngang pagpanghasi sa kalamidad.

Niadtong Oktobre 3-4,2017 gipanguluhan nila ni Gov. Jayvee Tyron Uy, ARENA XI President NEDA Region XI Director Maria Lurdes D. Lim,  ug Mayor Ramil Gentugaya ang duha ka adlawng ARENA XI Serbisyo Caravan diha sa Brangay Mt. Diwata ug Brgy. Upper-Ulip sa Monkayo.

Panahon sa duha ka adlawng CARAVAN ang National nga Gobyerno sa pagpanguna ni Director Lim, ang PLGU Comval, ug ang LGU Monkayo nagtinabangay pagtunol sa libreng mga serbisyo sa panglawas ug sa uban pang mga serbisyo sa Gobyerno ngadto sa mga katawhan niining mga barangaya.

Gikan sa Department of Health (DOH), sa Provincial Health Office (PHO), ug sa Provincial Economic Enterprise Manage,ment Office (PEEMO), ug Municipal Health Office (MHO)-Monkayo gitunol ang libreng mga serbisyo sa panglawas sama sa libreng ibot sa ngipon ug uban pang dental services; libreng opera (minor surgery); libreng tuli; libreng Pre-Natal ug Family Planning Counselling; libreng Eye Examination sa Ophthalmologist; libreng Pnemococcal Immunization sa mga Senior Citizens; libreng Diet Counselling sa mga buntis ug nagpasusong mga inahan; libreng konsulta sa mga doktor ug mga espesyalista sa Internal medicine, sa Pedia ug uban pa diin ang mga pasyente gipanghatagan sa libreng mga tambal ug libreng vitamins.

Adunay pagpanghatag sa mga semilya sa Cacao, Rubber, Coffee, Mais, Fish Fingerlings nga gitabangan pagtunol nga libre sa Department of Agriculture (DA) ug sa Bureau of Fisheries and Aquatic Resources (BFAR) kauban ang Municipal Agricultural Office (MAGRO) Monkayo ug Comval Provincial Agriculturist Office (PAGRO).

Ang pagpahigayon sa ARENA XI Serbisyo Caravan sa Monkayo maoy usa sa mga labing mahinungdanong butang nga gipangayo ni Gov. Tyron Uy sa mga Regional Executives atol sa bag-o nahumang Meeting didto sa Davao City. (Gilbert M. Cabahug, IDS-Comval)

Please like and share:
Social media & sharing icons powered by UltimatelySocial