the Official Website of Compostela Valley

Comval 4Ps Beneficiaries ipailalom sa “Family Development Sessions (FDS)”

Davao De Oro Province-Ipailalom karon sa “Family Development Sessions (FDS) ang dul-an 58 mil  4Ps Beneficiaries sa Comval Province nga maoy nasabotan sa bag-o nahumang meeting sa “Provincial Spiritual Development and Values Restoration Council (PSD-VRC)” nga gimugna ni PSD-VRC Chair Gov. Jayvee Tyron Uy ilalom sa Executive Order (EO) no. 057-2017 nga iyang gipagula niadtong Agusto 29,2017.

Nahitabo ang meeting diha sa Social Hall sa kapitolyo niadtong Oktobre 5,2017 nga gidumala ni Gov. Tyron Uy pinaagi ni PSD-VRC Action Officer Executive Assistant IV Mario Angelo Sotto ug mga kauban nga sila Pastor Eddie Escovilla, Executive Assistants Jun Tabas  ug Gigi Guzman.

Mitambong sa meeting sila CSC PD Vicente D. Luna, SDS Dr. Reynante Solitario pinaagi ni Joel Jumalon sa DepEd Comval, Aleem Ombra Abdulkarim sa Islam, mga Representante sa Catholic Vicariates, ang mga Municipal Spiritual Development and Values Restoration Coordiantors sa 11 ka mga lungsod, ang mga Pastor ug Religious Leaders gikan sa nagkadaiyang mga lungsod, ug ang mga dagkong opisyal sa DSWD Regional Office XI nga sila Edward E. Magbanua ug Genesis O. Silatan.

Atol sa bag-o nahumang meeting gipresentar sa sa mga dagkong opisyal sa DSWD Regional Office XI ang bahin sa National Advisory Committee (NAC) Resolution no. 28 series of 2015 nga nagmando sa pagahimoong “Interagency Collaboration” aron mapalig-on ang “Family Development Sessions (FDS)” para sa mga 4Ps Beneficiaries.

Human sa pipila ka minutong bayloay sa mga huna-huna gikasabotan ang pagmugna sa “Provincial Family Development Session (PFDS) Team nga maoy unang lakang tumong sa pagmugna  sa Municipal Family Development Session (MFDS) Team sa kada lungsod alang sa mas paspas nga values formation ug Spiritual Development sa matag pamilyang beneficiary sa Pantawid Pamilyang Pilipino Program 4Ps sa probinsya. (G. Cabahug, IDS Comval)

Please like and share:
Social media & sharing icons powered by UltimatelySocial